الملل من الروتين اليومى

اوقات كتير اوى بنحس ان اليوم طوييييييييييييل وكئييييييييييييييب وان مفيش اى حاجة  فى الحياة ليها طعم وان الايام بقت شكل بعضها
اوقات الحالة دى بتكون مؤقتة واوقات تانية بتستمر لمدة ايام وربما اسابيع واشهر
فى معظم الاوقات بيكون السبب فى الحالة دى هو الروتين اليومى بمعنى ان اللى بنبات فيه بنصبح فيه واحيانا  بيكون سببها الفراغ ان مفيش حاجة محددة او هدف محدد بنسعى ليه ده بيخلى حياتنا مليانة فتور وملل واحيانا برده بيكون السبب فى الحالة دى هو اننا نفسنا فى حاجة ومش قادرين نحققها او طال انتظارنا والحاجة دى مش اتحققت بس فى الاول وفى الاخر تعددت الاسباب و النتيجة واحدة اننا مش قادرين نحقق اى سعادة نفسنا تخلينا نحس بمعنى الحياة
طب جميل وبعدين بعد كل ده بقى المفروض نعمل ايه ما احنا عرفنا الحالة وعرفنا اسبابها طب ايه الحل؟؟؟؟؟؟؟؟؟؟؟؟؟؟
الدكتور ابراهيم الفقى فى بعض مقولاته قال ان انسان بلا هدف هو جسد بلا روح اى انه ليس من المعقول ان انسانا يعيش بلا هدف محدد وان كنت بلا هدف لما لا تجعل لحياتك هدف قد يكون هدف دينى او هدف دراسى او هدف معنوى او حتى عاطفى فمن المؤكد ان الحياة تمتلئ بكثير من التحديات التى تستحق العناء من اجل الحصول عليها.
اوك وبعدين انا خططت وحددت هدف بس يا هنا من يعيش بقى عقبال ما انا ابدأ فى تنفيذ خطتى انا عايز حاجة فورية تخلينى افوق وابتدى اشتغل اعمل ايه؟؟؟؟؟؟؟؟؟؟
الرسول (عليه افضل الصلاة والسلام) ينصحنا بأن نغير الوضع الذى نكون عليه عندما نكون فى حالة غضب او اى اى حالة اخرى مش طبيعية بمعنى انك مثلا ممكن تقوم تتضوضأ وتصلى ركعتين ساعتها اكيد هتحس براحة نوعا ما . او مثلا تخرج من بيتك فى الهوا تعمل اى حاجة انشاء الله حتى تجيب كيس مناديل او مثلا حاول تتفاعل مع اى حد وتخليه يخرجك من المود الممل اللى انت فيه صدقنى ساعتها هتحس ان فيه تحسن ولو طفيف بس اكيد احسن بكل الاحوال من الحالة الاولانية.
اهم حاجة بعد ده كله انك مش تسيب الملل واليأس يتسرب لحياتك لان كل يوم جديد فى عمرك هو فرصة من ربنا انك تكتشف حاجات اكتر وتسمستع بحياتك.