من قبل الثورة لبعد الثورة يا قلبى لا تحزن. العيب مش فى الثورة يا سادة . الثورة دى جت علشان احنا ننضف . بس الظاهر ان التخلف اتمكن مننا . الظاهر ان العشوائية والجهل اصبحوا اسياد الموقف فى حياتنا.
الثورة مش بتغير شعب .الثورة مش بتغير واقع مرير .الثورة مش هتيجى تغيرنا. المولى عز وجل قال ان الله لا يغير ما بقوم حتى يغيروا ما بأنفسهم.
احنا بندفع دلوقتى ثمن غلطاتنا . ثمن سكوتنا وخضوعنا لنظام فاسد قضى علينا .ثمن خوفنا و الجبن اللى اتملكنا. ولما ربنا أراد انه يرحمنا و بعت لينا القدرة اننا نثور على هذا الفساد و عملنا الثورة اخترنا برلمان ملوش لزمة برلمان كان بيتخبط ومكنش عارف يبتدى منين ولا حتى يقف فين.قلنا مش مهم الامل فى انتخابات الرئاسة ومن بين 13 مرشح من مختلف التيارات الشعب بمنتهى الذكاء يخلى الاعادة بين مرشح الاخوان ومرشح الفلول .ولما اخترنا الاخوان وخذلونا قلنا الامل فى المعارضة ولكن مع الف اسف وجدنا ان المعارضة هى كمان مش بتدور الا على الكرسى و مصلحتها الشخصية . وها هى ثمرة السلبية قتلى بالمئات و مئات المصابين.انهارت قوة الاقتصاد بل وانهارت قوة الدولةانهيار تام فأصبح صاحب الصوت العالى هو صاحب الحق سواء كان على حق او على باطل .
ولكن مع الف اسف من يدفع ثمن كل هذا هو الشعب الذى سئم الحياة.
العيب مش فى الثورة يا سادة العيب فينا احنا . احنا اللى مش بنعرف نتجمع على كلمة واحدة ابدا . تقريبا اتعودنا اننا ميكنش لينا كلمة اصلا.
ليست هناك تعليقات:
إرسال تعليق