تحبوا نمشيها ثورة ولا نمشيها اسفين يا ريس ؟؟؟؟!!!

3 اعوام مضت على بداية ثورة يناير . ثورة يناير اللى لأول مرة حسينا فيها اننا مثل بنى ادم .حسينا فيها اننا بشر ليهم كلمة مش حيوانات بتتسحب وخلاص . ثورة يناير اللى استمرت 18 يوم حسينا فيهم اننا اعظم شعب على وجه الارض وان الامل لسه موجود فى البلد دى و رغم الألم اللى كان جوانا على كل شهيد كان بيروح مننا الا أننا كنا بنفرح بيه لانه شهيد عند ربه نزل يحفظ بلده و عرضه و حقه فى الحياة . كنا بنفتخر أوى بنفسنا لما قلنا ان احنا الشباب اللى مكنش لينا كلمة قدرنا نخلع اعتى و اظلم نظام شافته مصر .و صرخنا وقلنا للأجيال اللى قلبيلنا انتم اللى وديتوا البلد فى داهية و ادينا رجعناها . و بعد ما نجحنا فى اننا خلعنا حسنى ونظامه قلنا كلنا هنشتغل وهنبنى البلد دى بجد ولكن كان ما كان من فترات انتقالية استحل حكامها دماء شعبهم و نظروا فقط الى مصالحهم ومطامعم و استغلوا كل شيئ فى ذلك و تاجروا بكل شيئ منهم من تاجر باسم الثورة و منهم من تاجر باسم الامن القومى ومنهم من تاجر باسم الشهداء ومنهم من تاجر بدين الله و كلهم لم يستحوا وهم يفعلوا ذلك . وكلهم كان ينظر الى مطامعه فقط وكان يرى ان مطامعه هى مصلحة البلد و انه خلاص تلك البلد مما هى فيه وكأنه المهدى المنتظر . ركب هؤلاء الثورة وعاثوا فيها فسادا و أصبحوا اكثر من نظام مبارك وحشية وفسادا . فقد اخرجوا كل رموز مبارك من السجون بل ان مبارك نفسه على وشك الخروج من السجن ولا عزاء لدم الشهداء .وجدناهم يستخدمون اعلامهم الفاسد ليضلل عقولنا و يخون و يكفر كل من خرج عن طاعتهم حتى ولو كان على صواب وهم على خطأ . وجدناهم يستعينون برجال الحزب الوطنى من جديد ليديروا شئون البلاد . وجدناهم اشعلوا نار الارهاب لمجرد ان الشعب رفض استمرار حكمهم . وجدناهم يضحون بشبابهم ونسائهم حتى يظهروا بثوب الضحية و وجدناهم يعيدون الكرة من جديد و يعيدوا اصدار البوم اخترناك وفوضناك ولكن تلك المرة لشخص جديد وجدناهم من خلال اعلامهم و شخصياتهم الفاسدة يصدرون الينا افكار محتوها ان ثورة يناير كانت مؤامرة وجدناهم يخونون كل رموز وشباب يناير حتى نصدقهم و جدناهم يكتمون الحريات و يفتحون ابواب المعتقلات من جديد لكل من رفضهم .وجدناهم يصدروا الينا فكرة ان مبارك برئ وان رجاله فقط هم من فعلوا ذلك وانه شخص وطنى واننا لابد من ان نعتذر له و كالعادة انجرت الاجيال القديمة وراء تلك الافكار مرددين اسفين يا ريس وكأن تلك الاجيال لم تعد تجد هواية غير الذل و الانكسار لكل ظالم وفاسد لم يعد لديهم هواية الا ان يدفعوا تلك البلد الى طريق المجهول بحجة ان اللى نعرفوا احسن من اللى منعرفوش .
لو كنا عايزين الثورة دى تكمل لازم نشوف احنا غلطنا فى ايه ونصلحه ونستفيد من اللى حصل . ولكن مفيش ثورة بتنجح بأنها تقول للحاكم اللى خلعته احنا اسفين و الله يكرمك حقك علينا و سامحنا.
ملحوظة : انا اقصد بالفترة الانتقالية من 18 فبراير 2011 حتى تلك اللحظة واقصد كل من حكمنا فيها وليس فصيل دون اخر .