فنحن نستيفيد منه و يشغل اوقات فراغنا و ربما يضيع اوقاتنا فى كثير من الاوقات ولكن تلك ليست المشكلة فكل منا ادرى بحاله وبوقته.
المشكلة ان هناك ظاهرة تمت ملاحظتها فى الفترة الاخيرة و هى ظاهرة تداول الصفحات المسيئة للاسلام و الانبياء و ديانات و عقائد الله اجمع .فهؤلاء المرضى الذين ينشئون تلك الصفحات يتناولون عقائد الله و دياناته ورسله بأقذع و ابشع الكلام .
ولكن هؤلاء عقابهم عند الله فى الاخرة فدعونا منهم الان. ولكن ما يدعو للاستفزاز فعلا هم الناس الذين يرون تلك الصفحات و ينشروها لمجرد ان الناس تبلغ عنها و تقفلها .لا بجد ما شاء الله على الذكاء طب ما انت هتقفلها و صاحبها هيرجع يعمل واحدة تانية يبقى اللى نشرها مش استفاد حاجة غير ذنب الناس اللى قرأوا الكلام ده بسببه . وبعدين حاجة تانية.ما ممكن واحد ضعيف الايمان يقرأها و يتأثر بالكلام اللى فيها ويبقى بدل ما نزود ثقافته فى دينه و ندخله فيه اكترعملنا العكس و خلناه يخرج من الدين كله وفقدنا فيه الامل من انصلاح حاله.
حاجة تانية برده مستفزة جدا . اللى هى الناس اللى بتدخل تعمل لايك للصفحة علشان تعرف تكتب كومنتات شتيمة فى الصفحة .النوعية دى بقى احب اقولها انتى اذكى من النوعية الاولى بكتير لانكم مش بس نشرتوا الصفحة لا ده انتم كمان زودتم عدد الليكات و الكومنتات اللى فى الصفحة فخليتم اى حد يشوف الصفحة بدل ما يقفلها خليتوه عنده فضول يشوف الكلام اللى فى الصفحة علشان يعرف ليه فيها عدد الليكات و الكومنتات دى كلها. اصل هو بالعقل كدة اكيد صاحب الصفحة ده مش مستنى شتيمتك او نصيحتك علشان الايمان يظهر عنده فجأة ويغير نشاط الصفحة.
اكيد الافضل من اننا ننشرها او نشتم اصحابها هو اننا احنا كمان نعمل صفحات دينية ولكن الكلام فيها يكون بهدوء وعقل مش بتعصب علشان نجذب الناس للصفحات الدينية دى ونخليهم هما بنفسهم مش يفكروا فى البعد عن دينهم .
ساعتها بس هنكون حسينا اننا عملنا حاجة فعلا تنصر دينا و تبين صورت الجميلة . وده هيكون اكبر وأد لاى عدو لدين الله .
ليست هناك تعليقات:
إرسال تعليق